குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்

விளக்கம்
இப்பாடல் ப்ரஹ்லாத பக்தி விஜயம் எனப்படும் நாட்டிய நாடகத்தில் ப்ரஹ்லாதன் பாடுவதாக.

¹ - ஐ₃தோ₃-தனமு - தெலுங்கு மொழியின் 'ஐது₃வ-தனம்' எனும் சொல்லின் திரிபு. இச்சொல் சுமங்கலியைக் குறிக்கும். இச்சொல்லுக்கு ஐந்து மங்கள (அலங்கார) பொருள்களையுடையவள் என்று பொருள். ஐந்து பொருள்களாவது - தாலி, மஞ்சள், குங்குமம், வளையல்கள், காதணி - பனையோலையினாலானது. இப்பனையோலைக் காதணிக்கு வடமொழியில் 'தாடங்கம்' என்று பெயர். தாடங்கத்தின் மகிமையைப் பற்றி 'ஸௌந்தர்ய லஹரி'யில் கூறப்பட்டுள்ளது. இதுபற்றிய காஞ்சி மகாமுனிவரின் விரிவுரை நோக்கவும்.

Top
² - நிர்விகல்பமு - வேறுபாடற்ற சமாதி நிலையைக் குறிக்கும் - பதஞ்சலி யோக சூத்திரம் நோக்கவும். ப்ரஹ்லாதன் 5000 ஆண்டுகள் நிர்விகல்ப ஸமாதியில் இருந்ததாகக் கூறப்படுகின்றது். இது குறித்து ஸ்வாமி சிவாநந்தாவின் விளக்கவுரை (பக்கம் 59) நோக்கவும்.

³ - ஈஸ்₁வர ஜன்மமு - ஈஸ்வரன் - இறைவனின் இலக்கணத்தினை பதஞ்சலி யோக சூத்திரத்தில் நோக்கவும்.

Top
⁴ - மாயாதீதமு - மாயையினைக் கடந்த நிலை - இது குறித்து பகவத் கீதை, அத்தியாயம் 7, 14-வது செய்யுள் நோக்கவும்.
கண்ணன் கூறியது - "(முக்)குணங்கள் உடைத்த எனது மாயை கடத்தற்கரியது; எனது தொண்டு பூண்டவர்கள் மட்டுமே இதனைக் கடக்கவியலும்." (ஸ்வாமி ஸ்வரூபாநந்தாவின் ஆங்கில உரையின் தமிழாக்கம்.

⁵ - த்யாக₃ராஜாப்தமு - சில புத்தகங்களில் இச்சொல்லுக்கு 'தியாகராஜனின் நண்பன்' என்று பொருள் கூறப்பட்டுள்ளது. 'ஆப்த' அல்லது 'ஆப்துடு' என்ற சொல்லுக்கு அத்தகைய பொருள் கொள்ளலாம். ஆனால் 'ஆப்தமு' என்ற சொல்லுக்கு 'நண்ணியது' என்ற பொருள் பொருந்தும்.

Top